1000 يىللاردىن بېرى بىر ئوبدان، ئۆز قانۇنىيىتى بىلەن كېلىۋاتقان تىل-يېزىقىمىز بىزنىڭ قولىمىزدا ۋەيران بولغىلىۋاتسا ئۇنىڭغا ھېچكىم «ھاي» دېمىسە، ئۇ دۇنياغا بارغاندا مەھمۇد بوۋىمىزنىڭ يۈزىگە قانداق قارايمىز؟ بىر-بىرىمىزنىڭ يۈزىگە قانداق قارايمىز؟ فرانسىيە يازغۇچىسى دائۇدېدنىڭ «ئاخىرقى دەرس» ھېكايىسىنى ھەممىمىز بىلىمىز. لېكىن ھېچكىم بىزنى «ئاخىرقى دەرس» نى ئۆتۈشكە مەجبۇرلىمىدى. مېنىڭ بۇ ھېكايىنى ئەسلىشىمنىڭ سەۋەبى شۇنىڭدىكى، تەبىئىي پەنلەر «ئاخىرقى دەرس» نى ئۆتۈپ بولدى. ئەمدى نۆۋەت ئىجتىمائىي پەنلەرگە، ئاندىن جانلىق تىلغا كېلىدۇ. شۇڭا ھەممىمىز ئانا تىلىمىزنى قەدىرلەيلى! ھەر بىرىمىز يۈكسەك مەسئۇلىيەتچىلىق بىلەن ئۆزىمىزگە سەپسالايلى، باشقىلارنى نازارەت قىلايلى، تىل دېگەن غۇرۇرىمىز، ۋىجدانىمىز، ئانىمىزغۇ ئاخىر!

ئاپتورى: قىسمەت | سەھىپە: ئۆزگىلەردىن باشاقلار | ۋاقتى: 15-01-2011 | باھا: 9 پارچە | زىيارەت: 1,064 قېتىم

فرانسۇز تىلى ھەممىدىن چۈشىنىشلىك، ھەممىدىن توغرا، دۇنيا بويىچە ئەڭ چىرايلىق تىل؛ ئۇ يەنە مۇنۇلارنى ئېيتتى: بىز ئۇنى قەلبىمىزدە ساقلىشىمىز، ئۇنى مەڭگۈ ئۇنتۇماسلىقىمىز لازىم، دۆلىتى مۇنقەرز بولۇپ، قۇل قىلىنغان خەلق ئۆزلىرىنىڭ تىلىنى يادىدا چىڭ ساقلىسىلا، تۈرمە دەرۋازىلىرىنى ئاچىدىغان ئاچقۇچقا ئىگە بولغاندەك بولىدۇ.

ئۆگزىدىكى كەپتەرلەر گۇ-گۇلاپ پەس ئاۋازدا سايرايتتى. «ئۇلار بۇ كەپتەرلەرنىمۇ نېمىس تىلىدا سايراشقا مەجبۇرلىماس!» دەپ ئويلىدىم ئىچىمدە.

ئاپتورى: قىسمەت | سەھىپە: ئۆزگىلەردىن باشاقلار | ۋاقتى: 08-04-2011 | باھا: 7 پارچە | زىيارەت: 727 قېتىم

ئاتا-ئانىلار پەرزەنتلىرىگە «يۈسۈپ خاس ھاجىپتەك، مەھمۇد كاشغەرىيدەك، ئېينىشتىيىندەك ئادەم بول» دەپ تەربىيە قىلىشىدۇ. ياق، ئوغلۇم، ياق. مەندەك-داداڭدەك ئادەم بول. سېنىڭ ئەڭ چوڭ ئۈلگەڭ مەن. سەن ئىنسانلار ئارىسىدىن ئۆزۈڭگە ئۈلگە ئىزدىمەكچى بولساڭ (پەيغەمبەر ئەلەيھىسسالامدىن باشقا) مېنىلا ئۈلگە قىل. پەزىلەتتە، ئادىمىيىلىكتە پەقەت مېنى دورا، چۈنكى سەن مېنىڭ ھاياتىمنى داۋاملاشتۇرىسەن، سەن بولغاچ مېنىڭ نەسەبىم مەڭگۈ ئۈزۈلمەيدۇ.

ئاپتورى: قىسمەت | سەھىپە: ماقالە-يازمىلار | ۋاقتى: 25-05-2011 | باھا: 11 پارچە | زىيارەت: 1,356 قېتىم

شوپۇر ماشىنىنىڭ رادىئاتورىنىڭ (水箱) ئېغىزىنى ئوچۇق قويغان ئىكەن، ماتورنىڭ قىزىشى بىلەن رادىئاتوردىكى سۇ قايناپ ھور چىققان گەپ. ماشىنىنىڭ ئالدىدا ئىككى قىز ئۇيقۇچىلىقتا ھورنى ئىس دەپ بىلىپ «ۋاي ئوت كەتتى» دەپ ۋارقىراپتۇ. قىزى بىلەن مۈگدەپ ئولتۇرغان ئاۋۇ كىشى گەپنى ئاڭلاپ، نېمە ئىش ئىكەنلىكىنى ئاڭقىرا-ئاڭقىرمايلا ماشىنىنىڭ دەرىزىسىدىن سەكرىگەن گەپ. ئۇ كىشىنىڭ كىيىمى ماشىنىغا ئىلىنىپ قېلىپ، پۇتى چاق ئاستىغا كىرىپ كېتىپتۇ، بولغان ئىش شۇ. ئاۋۇ ۋارقىرىغان قىزلار خېلى يىللاردىن كېيىن ناھىيىلىك 1-باشلانغۇچقا ئوقۇتقۇچى بولدى. بەزىدە بىرەر ئىش بىلەن شىركىتىمىزگە كىرگىنىدە «يەنە كىملەرنىڭ پۇتىنى سۇندۇرۇپ يۈرۈۋاتىسىلەر» دەپ چېقىشىپ قويىدىغان بولدۇم.

ئاپتورى: قىسمەت | سەھىپە: ماقالە-يازمىلار | ۋاقتى: 22-02-2012 | باھا: 0 پارچە | زىيارەت: 7 قېتىم

رەھمەت سىلەرگە قېرىنداشلىرىم! يىتىملىك دەردىنى تارتقۇزماي بۈگۈنكى كۈنگە ئۇلاشتۇرغانلىقىڭلارغا، ھەردائىم مەن ئۈچۈن سەكپارە بولغانلىقىڭلارغا رەھمەت، جانابىي ئاللاھ قىيامەتتىمۇ قېرىنداش بولۇپ ئۆتۈشكە نېسىپ قىلغاي!

رەھمەت سىلەرگە بۇرادەرلىرىم، مېنى قوللىغانلىقىڭلارغا، ئەسلىدىكى قىسمەت ھالىتىمگە قايتىشىمغا قىلغان ياردەملىرىڭلارغا مىڭلارچە تەشەككۇر!

رەھمەت ساڭا مەرۋەرى، مەن ئۈچۈن، ئائىلىمىز ئۈچۈن تارتقان جاپالىرىڭغا ئۆمۈرلۈك قەرزدارمەن! قادىر ئاللاھ سېنى بەختلىك قىلىش بىلەن بۇ قەرزلىرىمنى قايتۇرۇشقا نېسىپ قىلغاي!

رەھمەت سىلەرگە قىزلىرىم، قادىر ئاللاھ سىلەرنى مەڭگۈ مەندىن پەخىرلىنىپ ياشاشقا، مېنىڭ قىزلىرىم بولۇپ قالغانلىقىڭلارغا شۈكرى ئېيتىپ ياشاشقا نېسىپ قىلغاي!

ئاپتورى: قىسمەت | سەھىپە: ماقالە-يازمىلار | ۋاقتى: 31-12-2011 | باھا: 15 پارچە | زىيارەت: 324 قېتىم

شۇ تاپتا خوتۇننىڭ كۆزىنى غەلەت قىلىپ، «كەچلىك بازار»غا بېرىپ كەلگۈم كېلىۋاتىدۇ. سىزنىڭ شۇنداق قىلغۇڭىز كەلمىدىما ئەركەك؟

قېنى يۈرىكىنى تۇتۇپ تۇرۇپ «ئىشىڭنى قىل، قىسمەت» دېيەلەيدىغان ئەركەكتىن نەچچىسى بار ئارىمىزدا؟

شۇ بازارغا بېرىپ ئاۋۇلارغا تەربىيە قىلىپ ئۆزگەرتەلمىگەن، ئۇلارنى شۇ يولدىن تارتىشقا ھەرىكەت قىلالمىغان تۇرۇپ مېنى تىللاۋاتامسىز؟

قېنى ئۆزىمىزنى تارازىغا سېلىپ باقايلى، ئەركەكلەر! ئەركەكلىك غۇرۇرىمىز، يىگىتلىكىمىز تارازىنى باسالامدىكىن؟

ئاپتورى: قىسمەت | سەھىپە: ماقالە-يازمىلار | ۋاقتى: 24-12-2011 | باھا: 13 پارچە | زىيارەت: 645 قېتىم

ماركسىسىزملىق پەلسەپەنى خاتا چۈشىنىۋالغان بۇ ئەقلى كەمتۈكنىڭ ئۆزىنىڭ ھاكىمىيىتىنى ساقلاپ قېلىش ئۈچۈن، كىشىلەرنى دىنغا ئېتىقاد قىلىش ھوقوقىدىن مەھرۇم قىلىشقا ئۇرۇنۇشىدىن مەنپەئەتى ئۈچۈن ۋاسىتە تالىمايدىغان قەبىھلىكىنى كۆرۈۋېلىشقا بولىدۇ. ئاللاھنىڭ ھەقىقەتەن رەھمىتى كەڭرىكەن، ئۆزىنى ئېتىراپ قىلمايدىغان مۇشۇنداق گۇيلارغا جاھاننىڭ چوڭ ئىشلىرىنى تۇتقۇزۇپ سىنايدىكەن دېسە…

كىم جوڭئىل ئەپەندى، ئەلۋىدا !

چاۋشيەن خەلقى، سىلەرگە ئاسايىشلىق، ئەقلى-ھۇشى جايىدا بىر سىياسىي رەھبەر تىلەيمەن!

ئاپتورى: كۆلتېكىن | سەھىپە: خەلقئارا ۋەزىيەت | ۋاقتى: 19-12-2011 | باھا: 8 پارچە | زىيارەت: 434 قېتىم

مەدەنىيەتلەر راستتىنلا توقۇنۇشامدۇ؟ رەڭگارەڭ مەدەنىيەتلەر ھەمدەمدە ياشاش مۇمكىن ئەمەسمۇ؟! ئەگەر، سامۇئېل خانتېڭتوننىڭ گېپى بويىچە ئېيتقاندا، «پەرقلىق مەدەنىيەتلەرنىڭ تەڭ مەۋجۇت بولۇپ تۇرۇشى پەقەت ۋاقىت مەسىلىسى، مەڭگۈ بىللە مەۋجۇت بولۇشى مۇمكىن ئەمەس» دېيىلسە، ئىنسانلارنىڭ يارىتىلىشىدىنلا ھەرخىل ئىرىق، ھەرخىل مەدەنىيەتتە ئىكەنلىكىنى قانداق چۈشىنىش كېرەك؟!

ئىران بۇ ئىشقا ئارىلاشسا، ئىرانغا كېلىدىغان مەنپەئەت قانچىلىك بولىدۇ؟ ئارىلاشمىسا قانچىلىك بولىدۇ؟ خامچوت قۇرۇلۇشى كەسپىي دوكتورى ئەھمەدىي نىجادنىڭ بۇنى ھېسابلاپ چىقىرالىغۇچىلىكى بار. ئۇنىڭ قارىشىدا بۇ توقۇنۇشقا ئارىلاشمىسا (شۇنىڭ بىلەن پەلەستىن ھاماسلىرى يوقالسا ياكى يوقىلىشى تېزلەشسە) كېلىدىغان مەنپەئەت كۆپرەك (چۈنكى ئۇ سۈننىي، بۇ شىئە). بۇ يەردە، گېپىمىزنىڭ ئىسپاتى سۈپىتىدە ئىران ئىسلام ئىنقىلابىنىڭ داھىيسى ھۇمەينىنىڭ «ھازىر يەر شارىدا ئىراننىڭ ھېچقانداق قېرىندىشى يوق» دېگەن سۆزىنى ئەسلەپ ئۆتۈش ئارتۇقچە بولمىسا كېرەك.

ئاپتورى: قىسمەت | سەھىپە: خەلقئارا ۋەزىيەت | ۋاقتى: 15-12-2011 | باھا: 3 پارچە | زىيارەت: 237 قېتىم

ﻗﺎﻧﯘﻥ ﺋﺎﺭﻗﯩﻠﯩﻖ ﺩﯙﻟﻪﺕ ﺋﯩﺪﺍﺭﻩ قىلىش تەرەققىي ﻗﯩﻠﺴﺎ ﺋﻪﺧﻼﻕ ﺋﺎﺭﻗﯩﻠﯩﻖ ﺩﯙﻟﻪﺕ ﺋﯩﺪﺍﺭﻩ قىلىشقا ئايلىنىدۇ، ﭼﯜﻧﻜﻰ ﮬﺎﻻﻝ ﺑﯧﻴﯩﻐﺎﻧﺪﺍ ﺋﺎﺩﻩﻣﻨﯩﯔ ﻗﺎﻧﯘﻧﻐﺎ ﺧﯩﻼﭘﻠﯩﻖ ﻗﯩﻠﯩﺸﻨﯩﯔ ﭼﻮﯓ ﺋﻪﮬﻤﯩﻴﯩﺘﻰ ﻗﺎﻟﻤﺎﻳﺪﯗ. ﺑﯘ ﭼﺎﻏﺪﺍ قانۇننىڭ رېئال ﺋﻪﮬﻤﯩﻴﯩﺘﻰ ﺗﯚﯞﻩﻧﻠﻪﭖ ﻛﯧﺘﯩﭗ، ﺋﺎﺷﺨﺎﻧﯩﺪﺍ ﺗﺎﻣﺎﻗﻨﻰ ﺋﺎﯞﺍﺯ ﭼﯩﻘﯩﺮﯨﭗ يېيىش ﻳﺎﻛﻰ ئاممىۋى ﺳﻮﺭﯗﻧﺪﺍ زۇﯞﺍﻧﻨﻰ بارىچە ﻗوﻳﯘﭖ ﺑﯧﺮﯨﭗ ﺳﯚﺯﻟﻪﺷﻤﯘ ﻗﺎﻧﯘﻧﻐﺎ ﺧﯩﻼﭘﻠﯩﻖ ﻗﯩﻠﻐﺎﻥ ﺑﯩﻠﻪﻥ ﺑﺎﺭاﯞﻩﺭﻟﯩﺸﯩﭗ ﻗﺎﻟﯩﺪﯗ. ﻛﯜﻧﺪﻩ قورﺳﺎﻕ ﺗﻮﻕ ﻳﯜﺭﺳﻪ ﻗﯩﻠﯩﺪﯨﻐﺎﻥ ﺋﯩﺶ ﺗﺎﭘﺎﻟﻤﯩﻐﺎﻧﺪﻩﻙ، ﺗﺎﻣﺎﻗﻨﻰ ﺋﺎﯞﺍﺯ ﭼﯩﻘﯩﺮﯨﭗ يېدىڭ ﺩﻩﭖ، ﻣﻪﺳﯩﻠﯩﻨﻰ ﺋﻪﺧﻼﻕ ﻧﻮﻗﺘﯩﺴﯩﻐﺎ ﻛﯚﺗﯜﺭﯨﺪﯗ. ﺋﺎچ ﻗﺎﻟﻐﺎﻥ ﺋﺎﺩﻩﻡ ﺑﯘﻧﻰ ﻣﻪﯕﮕﯜ ﺋﻮﻳﻼﭖ ﻳﯧﺘﻪﻟﻤﻪﻳﺪﯗ…

ئاپتورى: كۆلتېكىن | سەھىپە: ماقالە-يازمىلار | ۋاقتى: 09-12-2011 | باھا: 1 پارچە | زىيارەت: 207 قېتىم

مەلۇمكى، تۈرك ئوسمان ئىمپېرىيەسى تارىختا ئەڭ شانلىق نەتىجىلەرنى قالدۇرۇپ كەتكەن، دۇنيا مەدەنىيىتىگە ئۆچمەس تۆھپىلەرنى قوشقان ئىمپېرىيەلەرنىڭ بىرى. بۇ ھەقتە تالاي تارىخلارنى ئوقۇدۇق، لېكىن، ئەستىن كۆتۈرۈلدى. سىزگە تەۋسىيە قىلىۋاتقان بۇ فىلىم ئەنە شۇ بىز ئوقۇغان، ئۇنتۇغان تارىخقا بېغىشلانغان ئىكەن.
كەمىنە بۇ فىلىمنى كۆرگىلى خېلى بولغان ئىدى. كۆرمىگەنلەر كۆرسۇن، تارىخقا قىزىقىدىغانلار ھوزۇرلانسۇن ئۈچۈن بۇ يەرگە يوللاپ قويدۇم.

ئاپتورى: قىسمەت | سەھىپە: تارىخ-مەدەنىيەت | ۋاقتى: 25-11-2011 | باھا: 1 پارچە | زىيارەت: 406 قېتىم

«ﺋﺎﻗﺴﯘﺩﯨﻦ ﭼﯩﻘﻘﺎﻥ ﺑﯩﺮ ﭘﻮﻳﯩﺰ ﺗﯘﺭﭘﺎﻧﺪﺍ 13 ﺑﺎﻝ ﺷﺎﻣﺎﻟﺪﺍ ئۆﺭﯛﻟﯜﭖ كېتىپتۇ» ﺩﻩﭖ ﺗﯧﻤﺎ ﻳﺎﺯﺳﺎ، «ئۆلگەننىڭ ﻗﺎﻧﭽﯩﺴﻰ ﺋﯘﻳﻐﯘﺭ، ﻗﺎﻧﭽﯩﺴﻰ ﺧﻪﻧﺰﯗﻛﻪﻥ؟ ﺋﯘﻧﻰ ﺷﺎﻣﺎﻝ ﺩﯦﻤﻪﻳﻤﯩﺰ، ﺑﻮﺭﺍﻥ ﺩﻩﻳﻤﯩﺰ» ﺩﻩﭖ ﻧﻪﺩﯨﻜﻰ ﻳﻮﻕ ﮔﻪﭘﻨﻰ ﻗﯩﻠﯩﭗ ﺋﻮﻟﺘﯘﺭﯨﺪﯨﻜﻪﻥ. «ﻗﯘﺗﻘﯘﺯﯗﺵ ﺋﻪﮬﯟﺍﻟﻰ ﻗﺎﻧﺪﺍﻕ بولۇۋېتىپتۇ؟ ﯞﻩﻗﻪﮔﻪ ئۇچرىغان كىشىلەرنىڭ ﺗﯧﻨﯩﮕﻪ ﺳﺎﻻﻣﻪﺗﻠﯩﻚ ﺗﯩﻠﻪﻳﻤﻪﻥ، ﺑﺎﻟﺪﯗﺭ ﻗﯩﻴﯩﻨﭽﯩﻠﯩﻘﺘﯩﻦ ﻗﯘﺗﯘﻟﻐﺎﻱ. 13 ﺑﺎﻝ بوﺭﺍﻥ كېتىپ ﺑﺎﺭﻏﺎﻥ ﭘﻮﻳﯩﺰﻧﻰ ﻗﺎﻧﺪﺍﻕ ئەھۋالدا ئۆﺭﯨﯟﯦﺘﻪﻟﻪﻳﺪﯗ؟ ﮬﺎﯞﺍﺭﺍﻳﯩﺪﯨﻦ ﺋﺎﻟﺪﯨﻦ ﻣﻪﻟﯘﻣﺎﺕ ﺑﻪﺭگىلى ﺑﻮﻻﻣﺪﯗ؟ ﺷﯘ ۋاقىتتا ﭘﻮﻳﯩﺰﻧﻰ ﺗﻮﺧﺘﯩﯟﯦﻠﯩﺶ ﺋﯩﻤﻜﺎﻧﯩﻴﯩﺘﻰ ﺯﺍﺩﻯ ﻗﺎﻧﭽﯩﻠﯩﻚ؟» ﺩﻩﭖ ﺗﻪﮬﻠﯩﻞ ﻗﯩﻠﯩﺪﯨﻐﺎﻥ ﺋﺎﺩﻩﻡ ﺑﻪﻙ ﺋﺎﺯ. ﺗﻪﮬﻠﯩﻞ ﻗﯩﻠﻤﯩﺴﯩﻤﯘ، ﺋﯩﻨﺴﺎﻧﭙﻪﺭﯞﻩﺭﻟﯩﻚ نۇقتىسىدىن ﭼﯩﻘﯩﭗ ﺋﯩﻜﻜﻰ ﺋﯧﻐﯩﺰ ﻳﺎﺧﺸﻰ ﺗﯩﻠﻪﻛﻨﻰ ﻗﯩﻠﯩﭗ ﻗﻮﻳﺴﯩﻤﯘ ﺑﻮﻟﯩﺪﯨﻐﯘ؟!

ئاپتورى: كۆلتېكىن | سەھىپە: ماقالە-يازمىلار | ۋاقتى: 08-11-2011 | باھا: 8 پارچە | زىيارەت: 437 قېتىم

ۋەتەننىڭ ھەقداسى بولمىش ناتىۋان خەلق قۇلنىڭ ئورنىغا چۈشۈپ قاپتۇ. مانا بۇ خورلۇق ئەمەسمۇ تەقسىرلەر؟ خوش، سىلەرنىڭ جالاپ خوتۇندىن پەرقىڭلار بارمىكەن؟! سىلەر شۇنداق غۇرۇرسىز، ئارسىز بولغاچقا، خەلق مۇشۇ ھالغا چۈشۈپ قالغان. شۇنى بىلىشىڭلار كېرەككى، ئەرنىڭ ئىپپىتى ۋەتەن ۋە ئاياللارنىڭ ئىززىتىدە. كىمەركى ۋەتىنى بىلەن ئاياللىرىنىڭ ئىززىتىنى قوغدىيالمايدىكەن، شۇ كىشى شۇ كۈندىن باشلاپ جالاپ!

ھۆرمەتلىك ئوقۇرمەن، يازمىغا ئىنكاس يېزىشىڭىزنى كۈتمەيمەن، ئىنكاس يازغان زېھنىڭىزنى ئەمەلىي ھەرىكەتكە قارىتىشىڭىزنى، ئىپپەتنى، ئەخلاقنى قوغداش كۈرىشىدە سەپداش بولۇشىمىزنى ئۈمىد قىلىمەن.

مەن كەتتىم، كونا جايدا-ئەخلاق دوقمۇشىدا سىلەرنى ساقلايمەن، ئامان بولۇڭلار!

ئاپتورى: قىسمەت | سەھىپە: ماقالە-يازمىلار | ۋاقتى: 19-10-2011 | باھا: 3 پارچە | زىيارەت: 490 قېتىم

توۋا! يېقىندىن بېرى يازغۇچىلىرىمىز يازغان نەرسىلەر زەھەر پۇرايدىكىن دېسەم، ئىچى ئەلەمدىن سېسىپ كېتىپتۇ. ئۇلارنىڭ ئىجادىيىتى ھۆرمەتكە شۇنداقلا نەپكە ئېرىشتۈرسە، تۇرمۇشتىن خاتىرجەم بولسا، ئازادە مۇھىت، ھەر خىل ئىدىيە، دۇنيا قاراشلىرىنى بەخىرامان ئىپادىلىيەلىسە ئاندىن كېيىن ئىلھام دېگەننىڭ كېلىۋېتىشىنى كۆرۈڭ ، ھاي-ھاي… كۆزگە كۆرۈنمەيدىغان، بىراق بىۋاسىتە ھېس تۇيغۇسىنى چەكلەپ تۇرىدىغان تاشقى بېسىمدىن قۇتۇلمىسا، يازغۇچىنىڭ قەلەم تۇلپارى چاپماي تۇرۇۋالىدىكەن، يۈگىنى تارتىلغان تۇلپارنىڭ ئۇچقاندەك چاپقىنىنى كىم كۆرۈپتۇ؟

ئاپتورى: كۆلتېكىن | سەھىپە: ماقالە-يازمىلار | ۋاقتى: 13-10-2011 | باھا: 3 پارچە | زىيارەت: 311 قېتىم

بىرسى «قىيىنچىلىقىم بار» دەپلا باغرىنى يېرىپ چىققان پەرزەنتنى ساتسا، يەنە بىرسى «سەن ماڭا ئۆگەي» دەپ خورلىسا، باھانە دېگەننى تاپماق ئاسان ھە؟!

راست ، ئادەمدە ئېتىقاد، ئەخلاق، غۇرۇر بولمىسا ھەر ئىشنى قىلغۇدەك.

بۇ جاھاندىن ئادەملەرنىڭ كۆزىنى بوياپ ئۆتۈپ كېتىشەرسەن. جاھاننى، تاڭلا قىيامەتنى ئىگىسى يوق كۆرۈپ قېلىشتىڭمۇ؟!

ھۇ ئاللاھنىڭ غەزىپىدىن قورقمايدىغان بەدبەختلەر، بالىنىڭ ئۇۋالى تۇتقۇرلار!

ئاپتورى: قىسمەت | سەھىپە: ماقالە-يازمىلار | ۋاقتى: 01-10-2011 | باھا: 8 پارچە | زىيارەت: 891 قېتىم

كەمىنىمۇ يىللاردىن بېرى كومپيۇتېرنىڭ، ئىنتېرنېتنىڭ نېنىنى يەپ، جېنىمنى جان ئېتىپ يۈرۈپتىمەن. بۇرادەرلەرنىڭ ئېغىزىدا «قىسمەت ئەپەندى» تەرىپلىنىشكىمۇ مۇشۇ كەسىپ سەۋەب بوپتۇ. ئاتىلار سۆزى بويىچە «ئاش بەرگەن قازاننى چاقما»سلىق كېرەك ئىدى. لېكىن، بۇ «قازان»دىن ھەر دائىم «پولۇ، لەڭمەن »لا چىقمىدى. بەزى ئېتىقادسىز «ئاشپەزلەر» سەۋەبىدىن ئەخلەتمۇ، گەندىمۇ چىقىپ قالدى. شۇ مەنقۇلاتلارنى بەزىدە مەجبۇرىي، بەزىدە پەرقلەندۈرمەي يەپ سالغاندىمەن. لېكىن، خۇداغا شۈكرى، تولۇق بۇلغىنىپ كەتمەپتىمەن، ھەرھالدا روھىم سۈزۈك، ئەقلىم ئويغاق ئىكەن. چۆچۈپ ئويغاندىم. يەنە نەچچە كىشى مۇشۇ «داشقازان»دىن چىقىۋاتقان ھەممە نەرسىنى (مەيلى ئۇ پوق-سۈيدۈك بولسىمۇ) يەپ كېلىۋاتقاندۇ؟!

بەس، ئەمدى يېتەر! بەزى «ئاشپەزلەر»نى سۈر-توقاي قىلماي، بەزى «داشقازان»لارنى چاقماي بولمىدى؛ تەم سەزگۈسى يوقالغان بەزى «خېرىدارلار»نى ئويغاتماي بولمىدى! ئەخلاققا ھۇجۇم قىلىۋاتقان بەزى ئاتالمىش «ئىنتېرنېت»قا ئۆزۈم ئۈچۈن ئەمەس، پەرزەنتلىرىم ئۈچۈن قايتۇرما ھۇجۇم قىلماي بولمىدى!!!

ئاپتورى: قىسمەت | سەھىپە: ماقالە-يازمىلار | ۋاقتى: 21-09-2011 | باھا: 3 پارچە | زىيارەت: 598 قېتىم